Po në lidhje me zgjedhjen?¶
Microsoft-i punon shumë për t’u siguruar që përdoruesit e tyre të mbeten të lidhur me produktet e tyre.
Rreth 3 milionë kompjuterë shiten çdo vit në Kinë, por njerëzit nuk paguajnë për softuerin.
Por një ditë do të paguajnë. Për sa kohë që do ta vjedhin [sic], ne duam që ta vjedhin tonin. Ata do të bëhen disi të varur, dhe pastaj ne disi do të gjejmë një mënyrë për t’i mbledhur paratë brenda dekadës së ardhshme.
Bill Gates, Gates, Buffett a bit bearish
Përmirësime të detyruara të pajisjes¶
14 tetori 2025 shënon një datë të rëndësishme për përdoruesit e Windows 10: Microsoft-i do të ndërpresë gjithë mbështetjen për Windows 10. Kjo do të thotë asnjë ndihmë teknike, as funksione të reja, dhe, më e rëndësishmja, asnjë përditësim sigurie. Ndërsa kompjuteri juaj nuk do të ndalojë së punuari papritmas, ai do të bëhet gjithnjë e më i prekshëm nga viruset dhe malware.
Microsoft-i sugjeron përmirësimin në Windows 11, por për shumë njerëz kjo nuk është një zgjidhje e mundshme. Një numër i konsiderueshëm i pajisjeve ekzistuese thjesht nuk janë të përputhshme me Windows 11. Kjo i vendos përdoruesit në një pozitë të vështirë: ose të blejnë një kompjuter të ri, edhe nëse ai aktual funksionon në mënyrë të përsosur, ose të rrezikojnë të përdorin një sistem operativ gjithnjë e më të pasigurt.
Por ekziston një alternativë tërheqëse: GNU/Linux. Në vend që të hidhni një makinë plotësisht të mirë, mund të instaloni një sistem operativ GNU/Linux të përditësuar dhe të vazhdoni ta përdorni kompjuterin tuaj për vitet në vijim. Shpërndarjet GNU/Linux njihen për efikasitetin e tyre dhe mund t’i japin jetë të re pajisjeve më të vjetra, duke ofruar një përvojë kompjuterike të sigurt dhe plotësisht të mbështetur.
Standarde që ndryshojnë gjatë gjithë kohës¶
Të qëndrosh pas standardeve të Microsoft-it nuk është punë e lehtë – përveç nëse mund ta përballosh përmirësimin shumë shpesh. Keni provuar ndonjëherë të punoni në të njëjtin skedar .doc me një kompjuter me Office 95 dhe një tjetër me Office 97? Do ta dini se çfarë kuptojmë.
Microsoft-i zotëron formatet e skedarëve të Office: ata i ndryshojnë me çdo version të ri të Office dhe nuk kanë asnjë detyrim t’i mbajnë të përputhshme prapa. E ruajtët prezantimin tuaj si skedar .ppt? Nëse hiqni dorë nga Microsoft Office vitin e ardhshëm, do të duhet të mbështeteni te komunitetet e tjera për të bërë inxhinierinë e kundërt të formatit, që të mund të aksesoni dhe modifikoni punën tuaj.
Ka, sigurisht, mënyra të tjera për të shkruar dhe shkëmbyer skedarët e zyrës, më i njohuri prej të cilëve është Formati OpenDocument. Por Microsoft-i nuk është i gatshëm t’u lejojë përdoruesve të Office të shkëmbejnë skedarë që çdokush mund t’i lexojë dhe modifikojë. Microsoft Office 2007 SP2 dhe versionet e mëvonshme përfshijnë mbështetjen për Formatin OpenDocument (ODF), një veçori e shtuar për shkak të presionit nga Komisioni Evropian.
Programet e paracaktuara dhe integrimi i detyruar¶
Microsoft-i ka një histori të gjatë në shpërndarjen e Windows me aplikacione të paracaktuara që janë të vështira për t’u hequr siç duhet. Aplikacione që më parë punonin në mënyrë të pavarur, por janë lidhur në thelb me Windows – kështu që vijnë me çdo PC dhe i rezistojnë zëvendësimit.
Shfletuesi Microsoft Edge, për shembull, është i integruar ngushtë me Windows. Edhe pse teknikisht i heqshëm, heqja e tij prish veçoritë e integruara të Windows. Për shembull, kërkimet në Menunë Start do të tregojnë gjithmonë rezultatet e Bing dhe sugjerimet e uebit që janë të koduar për t’u hapur në Edge, duke injoruar shfletuesin tuaj të paracaktuar. Nëse Edge nuk është më aty, këto lidhje thjesht dështojnë.
Praktika monopoliste¶
Microsoft-i ka një kontroll të ngushtë mbi OEM-të (prodhuesit e kompjuterëve) që i shpërndajnë kompjuterët e tyre me Windows të instaluar. Kjo do të thotë që asnjë program që konkurron me produktet e Microsoft-it, qoftë player multimedia, shfletues ueb, suite zyre, klient email-i ose tjetër, nuk do të vijë i para-instaluar në shumicën e kompjuterëve që mund të blini.
Është gjë e mirë të ofrosh një gamë të gjerë softuerësh dhe shërbimesh siç bën Microsoft-i; megjithatë, dizajnimi dhe kombinimi i tyre për të përjashtuar përdoruesit nga shoqëritë jo-Microsoft është joetike. Teknikisht nuk është e vështirë të miratohen formate më të hapura. Por kjo do të thotë që klientët tuaj janë të lirë të zgjedhin çfarë bëjnë me punën e tyre – Microsoft-i ende nuk është aty.