Plus detalios sur restrictiones

Nos ha preferite de mantener nostre pagina "Restrictions" curte, dunque, nos ha displaciate multe information sur le restrictiones de licentias a altere paginas. Ecce le litteras micre in le licentias de Microsoft.

  • Non es clar qui pote usar, reciper o comprar vostre software.

    Le licentia es particularmente vage sur qui pote o non pote usar vostre version de Windows o Office. Plure phrases in le licentia de Microsoft Office suggere que il es illegal permitter a vostre vicino de scriber un littera con vostre version de Word in vostre computator.

    Nonobstante, il es clar in le licentia de Microsoft Windows que vos pote solmente donar o vender vostre copia del software Windows a un altere persona si vos es le prime comprator. Isto significa que, si vos lo compra del usator qui initialmente lo comprava ab Microsoft, vos non pote vender o donar le software a ancora un altere usator, mesmo si vos non plus lo usa, mesmo si vos compra le ultime version del software con vostre computator nove.

  • Vos non pote locar, prestar o fornir servicios de hosting commercial con le software

    Vos non pote permitter que usatores professional usa vostre software, non importa si illes paga pro le servicio o non, e non importa si vos usa un licentia "Professional" o non.

  • Le version actualisate es valide solmente pro le prime licentia sub le qual vos lo usa

    Si le licentia original expira (per exemplo, perque le computator con le qual illo veniva cessa de functionar), le version actualisate expira equalmente. Si vos compra un actualisation, vos non plus pote usar le version original del software.

  • Versiones educative es stropiate

    Si Microsoft vos accepta como studente o academico, il vos es permittite comprar un licentia academic e installar le software in tres computatores. Ma il es illegal usar lo pro alcun scopo commercial "o in alcun modo connexe al operation de un interprisa commercial o de activitates que genera receptas".

  • Le componentes del software non pote esser separate

    Es illegal comprar Microsoft Office e installar solmente Word in un computator e solmente Excel in un altere. Le combination Office es un producto singule.

  • Le information private es colligite

    Le licentia declara explicitemente que "Microsoft e su affiliatos" recipe information technic que le software collige sur vostre computator. Illes "pote usar iste information solmente pro meliorar productos o pro fornir servicios o technologias personalisate."

    A fin de activar le major parte del productos de Microsoft, como parte del contracto de licentia, vostre computator se connecte al servitores de Microsoft e invia information "technic". Iste information pote "solmente" esser usate pro quasi omne cosa imaginabile.

Lege plus

Le GPL

Le Licentia Public General de GNU, sub le qual GNU/Linux e un quantitate vaste de software libere es publicate.

Comparation inter le GPL e le licentia de Microsoft Windows XP (pdf)

Un comparation minutiose e clar inter le GPL e le licentia EULA de Microsoft que governa le uso del major parte del versiones de Windows XP.

Le derecto de leger

Un curte historia de Richard Stallman que describe le influentia que le licentias restrictive pote haber in nostre vitas.