Pruébalu o instálalu
Da'l pasu – sacante que deseyes mercar un equipu con GNU/Linux preinstaláu, pa saber cómo-y sienta la llibertá al to equipu.
Pruébalu: El CD live
Nun hai res que perder
Usar un CD autónomu significa que GNU/Linux tará executándose nel to ordenador ensin instalar res. Esta ye una manera inofensiva de probar y ver por tí mesmu qué ye GNU/Linux.
Cuando s'executa dende un CD autónomu, el to ordenador usa namás el CD-ROM pa trabayar (ensin acceder al interior del discu duru). Pues executar toles aplicaciones que vienen nel CD, editar documentos, y restolar pela rede.
Darréu que namás ta diseñáu como un mou de preba, va un pocu sele (tomará-y cinco minutos p'aniciar, y executará les aplicaciones más lento). Si procedes a instalalu, el sistema dirá muncho más rápido.
Lo que necesites
Pa usar un CD autónomu, necesites un pocu de curiosidá y quince minutos de tiempu llibre, pero dengún conocimientu avanzáu en computación. Si te sientes seguru, simplemente usando Windows de xemes en cuandu, entós esto ta al to algame.
Instalando con arranque dual
Escoyeta nel aniciu
Ye dable instalar GNU/Linux xunto con Windows. Esto significa que al arrancar, va recibite una pantalla permitiéndote aniciar col sistema operativu que prefieras.
Instalar el duble arranque pue ser d'utilidá si necesites tiempu p'abandonar software privativu. Nun ye difícil de configurar, anque desaniciar dafechu Windows ye inda más fácil.
Lo que necesites
Instalar GNU/Linux nel to ordenador llevaráte menos de 30 minutos. Nun ye una xera evidente pa principiantes, pero si uses ordenadores diariamente entós ta bien dientro del to algame. Si reinstalaste Windows nel to ordenador, ta asegurao qu'instalar GNU/Linux nun ye más difícil.
Consigui'l CD o DVD que necesites
Pa les distribuciones que recomendamos, el live CD/DVD ye'l mesmu que'l CD/DVD d'instalación. Pues o bien descargar y grabar un CD/DVD tu mesmu, o encargar un CD/DVD a un distribuidor fiable.
Pue descargar una imaxe iso (un ficheru enforma grande) y dempués grabalu nun CD o DVD. Cuando'l CD/DVD tea grabáu, pues usalu pa instalar Ubuntu nel to ordenador.
El live CD/DVD de Fedora tamién permite la instalación. Sigui la guía rápida d'instalación pa dar los primeros pasos con Fedora.
La instalación de Trisquel ye abondo asemeyada a la d'Ubuntu.
Software Llibre preinstaláu
Non tolos ordenadores tán empaquetaos con Windows. Si nun quies facer una instalación por ti mesmu, o necesites nuevu hardware, pues obtener un ordenador d'escritoriu o portátil con GNU/Linux preinstaláu.
Ficímoste una llista de fabricantes que preinstalen GNU/Linux en LinuxPreloaded.com namái por esa razón.
